Ang wika nga ba'y tunay na malaya,
Sa bibig ng bayan, sa isip at diwa?
O ito'y tila ibong nakakulong, pilit ikinukubli,
Sa rehas ng takot at pang-aalipin lagi?
Sa bawat titik at salita na pilit pumipiglas,
Sa bawat himig ng damdaming wasak,
Wikang nakabartolina, walang lakas,
Kailan nga ba magbubukas?
Sa bibig ng ilan, ito’y isinusumpa,
Sa iba naman, kaluluwa’y binubuhay niya.
Ngunit, bakit tila 'di mahanap ng wika,
Ang daang malaya, ang daang wala nang tanikala?
Bakit nga ba ang wika’y tila nililigiran ng dilim?
Sa boses ng bayan, may himig na mapanghimagsik,
Oh, wikang minamahal, kailan manunumbalik?
Ang salita't titik na inyong sambit?.
sanggunian ng larawan: https://masongsongrickimae.wordpress.com/2016/10/16/pictorial-essay/
No comments:
Post a Comment